Ludoviko

Titolo: Ludoviko

Verkisto / Tradukisto:

Devenlando: Usono?

Elŝutebla sondokumento:

Elŝuteblaj mukiznotoj:

Kanto-teksto:

1. Jen mi venis al kongreso, sur la jako verda stel',
estis granda la impreso, ĉar kotizo estis ŝtel'.
Mi ĉeestis inaŭguron kun malferma parolad',
kun la nobla senta puro svarmis granda oscedad'.

Rf: 
|: Ludoviko, ne ploru vi pri ni,
progresadas Esperanto malgraŭ la forir' de vi. :|

2. Jen alvenis mi hazarde al kunsid' de komitat',
decidadis ili arde, ĉu la voston havas kat'.
Tie estis veterano, tridek jarojn de agad',
nur bezonis li vortaron, por ke klaru parolad'.

Rf.

3. La virinoj en la feloj tuj komprenis ĉion jam,
ili fajfas pri la celoj, en kongreso gravas am'.
Vicurbestro retorikis pri mirinda fak' de ni,
nur kongreson li trapikis, ĉar la anglan uzis li. 

Rf.

4. Paroladis la urbestro, paroladis prezidant',
sed de amuzo estis estro nur virino-priserĉant'.
Mi komprenis en finfino, ke nur unu estas voj'
kaj decidis mi per ino iri vojon de la ĝoj'.

Rf.

Jaro:

Aliaj utilaj informoj: aŭ la melodio "O Suzanne"